2011年3月29日星期二

毀容記

本故事之不當行為,請勿模仿。

伸手不見五指。
一道強光突然照到女人的面上令她回復意識。女人這時發現自己被綁在一張椅子上。
身影闖入眼簾,弄清楚那人的身分後,女人的心情由驚慌變成怨恨。
「放開我 !」女人向着面前那名用燈頭向她猛照的男人怒吼。
男人微微一笑,笑容下是憔悴的五官。「我咁愛妳,妳竟然去勾佬 ?! 呢個係妳勾佬既下場 !」
「愛我同我勾唔勾佬,根本就無關係 !」
「無關係 ?! 我愛妳,所以買最靚既衫俾妳,俾妳用最貴既化妝品,但妳呢,就着我買俾妳既衫,化最靚既妝去見其他男人,妳竟然話無關係 ?!」男人放聲大笑,但是聽上去更像哭聲。
「你到底想點 ? !」
「妳呢塊臉實在太白皙太完美無瑕喇,」男人伸手撫摸女人的臉龐,女人奮力搖頭圖甩開他的手,「就係呢塊臉令到妳咁唔定性架啫。」男人拿起燈頭旁邊的一樽液體,開了蓋,「假如我整花妳塊面,其他男人就唔會鍾意妳,到時妳就會乖乖咁留o係我既身邊。」
男人動作麻利地倒出一些液體到一大塊棉花上。
「你做咩呀 ?! 唔好呀 ! 唔好呀 !」男人用滲滿液體的棉花狂抹女人的臉。「呀 ~~」
被抹得一臉液體的女人以為會感到刺痛入心,但隨之而來的竟是一股清涼的感覺。
液體與皮膚產生了化學作用,把額外的物質溶化。濕濕的臉頰讓人分不清那是妝料,是假睫毛,還是眼淚。
「嗚~~ 你太過份喇 !」
「對妳,更過份的事都做得出。」男人將那塊變得又黑又髒的大棉花掉到一旁,然後走進黑暗。」的一聲,一道大門被拉開。女人這才發現這個漆黑的地方原來是自己和男人的家。
陽光照進屋內,適應了光線之後,女人把眼睛睜得老大,呆呆地看着室外的當空烈日。
男人看了看手錶,說 :「時間啱啱好,依家係正午十二點。」男人露出狡黠的眼神,跟着走到女人的身後,雙手搭着椅背,並把椅連同女人一起推向外面。
「唔好呀 ! 唔好呀 ! 唔好呀 !」
室外,陽光照遍大地,蒸氣氤氳,看得人有點暈眩。
我會永遠記住呢個時間架。我諗,妳都會。」男人掉下這句話,便速速的跑回屋內。
「返o黎呀,我要揸防曬呀 !」女人哀號。
「就係知妳d化妝品可以防曬,先幫妳抹鬼哂佢。

這一天,女人一直在太陽下曝曬,直到太陽徐徐地下山,男人才把女人推回屋內。
望着女人花斑斑的臉,男人滿意地笑了。


故事構思於筆者發現雀斑深色了的一天

Bookmark and Share

4 則留言:

匿名 說...

突然心血來潮上來看一看, 原來你已經喺報章上寫專欄, 實在恭喜! 希望你可以更上一層!
並祝你生活愉快!!

仔仔

說...

仔仔 : 我某天也想起你.
不如你都開個微博戶口吖, mull仔都有開, 可以吹下水吖嘛. 如果你開的話add我. 我都係用番祁佳仕呢個名開的.

匿名 說...

已經開左微博....但係點樣add你?
唔係好識用tim...haha^^

我個名係o__v

仔仔

說...

仔仔 : 果個原來真係你.
我都add左你喇. 你關注左我咪已經係add左我囉. ^^