2010年9月13日星期一

怪口味

每當看到別人說麥皮難吃似嘔吐物的時候,我總想提出抗議、為它平反,因為麥皮是我最喜歡吃的早點之一,尤其是近這三年,我幾乎每天都在吃,沒吃那天還真有點記掛想念。  
跟麥皮同被列為人們最討厭食物的還有木瓜。
木瓜跟麥皮好像孖寶一樣,不喜歡吃麥皮的朋友一般也覺得木瓜很臭,偏偏兩者我也喜歡吃,而且更覺得木瓜香氣撲鼻。
朋友說我口味怪,自己倒不覺得,但聽多了,想着想着,不禁看出我喜好的食物之間的共通點,就是要麼外觀一坨坨,要麼口感滑潺潺。
前者的代表有被煮得過熟成稀巴爛狀態的菜蔬,後者的代表是有着黏液質感的蒓菜和羊角豆(Lady's fingers)。
但是能集齊二者特質於一身的非納豆莫屬。

其實究竟是什麼時候開始留意這種日本獨有的食品呢? 應該是從90年代的「金田一」電視系列開始吧。
記得那時每回看到金田一捧着一小盒東西,用筷子往裡猛攪,跟着夾起來的物體一坨坨的,顏色形態既古怪又詭異,不禁惹我好奇。
細查之下知道那是一種叫納豆的日本食品,於是立即到日本超市搜購。
回家後急不及待撕掉招紙,嘩,臭到呢,即時後悔莫及。
但花了數十塊錢買了兩盒總不能把它丟掉這麼浪費呀,最後唯有勉為其難,按照說明指示混入醬油和黃芥末攪拌一番。
納豆跟佐料混在一起臭上加臭,外觀糊糊黏黏,非常噁心,用筷子夾起卻盤着糾纏不清的納豆絲,令人非常不安。
夾一坨進口內,那種嗆喉刺鼻、非常曖昧的味道,真非筆墨能形容。
勉強吃完一盒已想敬而遠之,從此不相往還,但一共買了兩盒還剩一盒,該怎辦好呢 ?
古語有云,己所不欲勿施於人,所以結果決定還是由自己來受。
本着行刑的心態,鼓起勇氣,其實又不是什麼只是一盒納豆罷了。
撕開招紙,氣味撲鼻,但已習慣了所以沒第一次聞到時的震撼。
混過醬,納豆往口裡送,奇怪,原來味道又不至於很難吃。
就這樣,第一次不行,第二次覺得可以,後來多吃了數次竟演變成喜歡上這種獨有的質感和味道。

這事讓我了解到,或許我們對人對事真不能以第一觀感來定輸贏,對食物也一樣。先入為主是會讓自己錯過很多有趣的人事物,多給幾次機會其實也不會損失什麼。
當然,假如經過多番嘗試仍然無法接受的話,那就不要勉強自己了,畢竟世上還有很多更合適的人事物在等着我們的。


Bookmark and Share

11 則留言:

瘋膏 說...

喂乜咁啱呀, 我都諗住寫納豆, 嘿嘿。

我很喜歡木瓜, 覺得又甜又好吃, 多吃木瓜會否大奶? 我只知孩童時很少吃, 媽媽不買給我, 發育完才吃, 完全沒有功效。

麥皮, ok啦, 少時常吃。

beetlejuice 說...

記得你寫過天才小廚師0既出品,都好似系將D材料搞爛曬咁款。

我口味應該同你好相反,我鍾意D爽口野。飯軟D都唔0岩我,所以炒飯就最0岩。

麥皮我都OK,不過不常吃,木瓜就。。。你鍾意食生木瓜多D定還是煮熟左0既木瓜多D呢?我生唔食,受唔到陣味,但熟左就覺得好香好甜。納豆我又OK,用黎拌飯。

說...

瘋go : 寫黎交流下啦.
我亦臨床證實左多吃木瓜係唔會大奶的 @_@
乜....(有點口震)...原來要發育之前吃先有用咩, 哎吔 !

說...

beetlejuice : 妳記得果篇, 哈哈, 我煮野食係按我個人喜好既, 所以我覺得自己煮既野食好味, 但其他人就食到....XDDD

係呀, 我跟妳口味真係唔一樣, 我對爽口既野食唔太好, 比方說, 芥蘭就係我最唔好既菜蔬, 反而煮到淋哂既津白就好鍾意食.

另外, 妳鍾意食爽口野, 咁係咪都鍾意食脆卜卜既野食呢 ? 我鍾意食淋野, 所以對脆既食物會敬而遠之, 又或是等到佢由脆變淋先食例如餅乾...哈哈.

木瓜我係生同熟都鍾意食, 唔知點解熟左之後會更加甜咁.

beetlejuice 說...

係呀係呀,雖然唔多食零食,但口痕果陣就有舖食薯片癮,或者臺灣果D豬肉紙都好鍾意。

等到D餅乾由脆變淋,都真係幾特別。

m 說...

hi, i came across your sinablog while searching for means to purchase for the 1975 hong kong film, enjoy longevity 300 years/遊戲人間三百年.

do you know how i can get a copy of the film? thanks.

說...

Hi m,

Several years ago, I seemed to have seen it at a HMV store. However, I just called HMV and was told that it's out of stock for some time.

I then searched it online and found that this site ( http://www.buyoyo.com/buyoyo/ProductDisplay.do?prrfnbr=4388426&prtype=0 ) seems to have it.

I hope this helps.

mull仔 說...

麥皮加cornflakes好正咖...cornflakes都係素食...可以試吓 ^^

說...

chickie : 好呀, 橫豎我都鍾意食cornflakes. 你又試下我既食法吖, 我會加麥芽,薏米粉,黑芝麻同蜜糖同麥皮一齊食, 超好味架.

mull仔 說...

仕仔: 嘩...要煮嘅...我通常食即食嗰隻...嘅然你話超好味...麻煩都試吓啦...麥芽,薏米粉,黑芝麻...超市有嗎?...定係要喺健康食品店先至有?

說...

chickie : 唔洗煮架, 全部"筆"哂落個杯度, 然後沖滾水攪埋一堆就食得, 記得放D蜜糖呀, 好味D架. 所有材料百記超市有得賣.