2010年9月23日星期四

《下女》- 互相仇恨的社會縮影

對一般人來說,女僕的印象都只限於家裏那名外籍傭工,但韓國電影《下女》(The Housemaid)卻為我們展現了很不一樣的女僕面貌。

在餐館工作的恩伊(全度妍 飾)因一次機會進入富豪家庭當女僕。由卑微的女工,搖身一變成為高尚優雅的僕人,恩伊進出富麗堂皇的豪宅,品嚐美酒佳餚,幹活時樂韻不絶於耳,主僕關係亦見融洽,彷彿過着夢一樣的生活。

然而,虛幻的生活其實隱藏着各人糜爛的慾望和陰暗的人性。由男主人(李政宰 飾)挑逗恩伊開始,電影逐步揭示了角色之間原來互相憎恨,各人心懷不軌,想盡辦法去折磨他人,尤其是對後來意外懷孕的恩伊。

飽受屈辱的恩伊終於忍無可忍決定報復,誓要在這家人的記憶中留下永不磨滅的恐怖烙印。只是,麻木冷漠的人又怎會在意別人的死活 ?

表面上,《下女》的情節畸形又矯情,但仔細一想,不難發現電影所描述的家庭其實是一個社會縮影。不同階級的互相仇視、女人之間的明爭暗鬥、丈夫的不忠,妻子的忍辱偷生、對老年人的嫌棄,人們之間以利益掛帥,人情冷如雪水,這些情節每天都圍繞着我們。幸虧戲中舖陳了恩伊和小主人的真摰關係,才不至於讓人太心灰意冷。

另外,片中的情慾場面意識大膽,但寥寥無幾,看得出導演只想借男女間的發洩來推進角色的階級角力,所以實在不應抱着觀看色情片的心態進場。不然,導演所諷刺的仇恨還沒感受得到,觀眾卻先要體驗看錯電影所帶來的不滿和悔恨。

(刊於頭條日報光影塵尖》專欄)


《下女》(The Housemaid)預告片 :



Bookmark and Share

5 則留言:

聶秀康 說...

以女性觀者而言故事是頗吸引的,開首也流暢可惜結尾實在過激,有點「原罪犯」的影子!而管家的轉呔也太突然,李政宰全度廷演得很好!管家更是綠葉搶鏡!

說...

3耳 : 我反而幾喜歡個報仇手法, 因為好有白費心機的感覺, 女主角這樣做以為是最毒啦, 誰知鏡頭一轉, 果家人繼續逍遙快活, 唯一我不太明白個女孩子雙眼向上望是想表達D乜.
成個故事雖然好畸形, 但我又覺得幾特別, 至少唔係一般睇開果D先吖. 原罪犯錯過了, 反而親切的金子就有睇, 我其實幾鍾意呢類韓國電影的.

聶秀康 說...

韓片其實幾好,講劇集我是由「愛上女主播」中毒的亦是第一套看的韓劇,真係幾驚喜架!當時!張東健俊俏呀!而電影嘛....「原罪犯」故之然另類又好看,其它怪雞電影如:週末同床、殺人回憶(特別推介好的無話說)、八月照相館、春逝(李英愛靚靚之作)真係講吾晒咁多....我幾鐘意的小眾怪雞電影的!

不過可能係警告的米用自殺來報復咁傻!而阿少奶後來反面好醜樣呀!

說...

"愛上女主播"我也有看, 但如果要數我沉迷的第一套應該係"冬季戀歌", 然後"巴黎戀人","天國的階梯" 跟住仲有一套叫"皇太子的初戀", 因為幾鍾意成宥利同金男珍, 仲有"精彩的一天", 因為又幾鍾意睇南宮民. 仲有"All in", "你來自哪顆星"....基本上果時鳳凰衛視播咩就睇咩, 都幾濫(一笑). 不過, 依家轉左去睇台劇.

至於電影, 我第一套睇既應該係"八月照相館", 但就睇極都睇唔完, 其後就好鍾意"假如愛有天意", 睇左好多次, 每次睇都喊. 抱擁這分鐘亦都覺得好睇, 因為鍾意睇鄭雨盛. 由親切的金子開始, 就鍾意左睇呢一類怪怪的韓片. 韓片有佢地既特色, 日本片亦有佢地既變戀, 唔知第二個國家睇港片係咩感覺呢, 我睇慣左, 已經講唔出港片的特色了.

其實呀少奶個五官都幾靚, 但就假左D, 比起上黎全度妍個樣就真好多了. 講開全度妍, 妳有冇睇"偷情寶鑑"呢, 我覺得果套佢做得好過下女.

聶秀康 說...

咁搞法有排講,不過吾緊要,慢慢講....
「冬季戀歌」即是裴勇俊果套?我都有睇過,係重播至睇,因為覺得呀催小姐的眼淚好趕客,其實故事不離情情塔塔第三者失憶疾病,但呢套個冰天雪地景色加埋勇俊歌的姣色衣裳又映得好靚,而且佢帶金絲眼鏡斯斯文文又幾殺食,後來佢都無乜大作,「挑情寶鑑」當然有捧場,難得勇俊哥肯不顧形象演情慾角色,加上全度研佢真係演乜似乜,也讓觀眾相信她就是戲中人,好入戲,雖然吾算大美人,我係好鐘意呢種演員,懂演戲但吾需要太靚太搶戲。
「巴黎戀人」我鐘意左金晶恩&朴信陽,而且係首幾集是巴黎取景覺得好落本,故事係老土,但真係好睇,朴信陽前妻樣子很優雅。
「天國階梯」誠俊哥嘛!我係當喜劇睇,佢與志友妹一流淚我就發笑....我對肌肉男麻麻地!
睇過最長氣一套是「金順加油」好溫馨的家庭劇類似香港的真情。然後是「愛情的條件」反影不忠的後遺症。其實韓國這類劇幾俱警惕性好到肉。
台劇都有睇但吾多,睇過好白痴的『惡作劇之吻』係邊睇邊頂吾順!但吾知點解又睇左part1&2,「命中注定」當然純粹睇小天啦!可惜故事拖的太長,否則好睇好多!「敗犬女王」又係衰拖長泥做!就顯得婆媽啦!
「八月照相館」係幾清新,其實無乜內容好少眾,女角沈銀河好快就消失嫁人去,「假如愛有天意」係好睇,女角當時係好靚女兼清純,後來真係謝得快!我祇係覺得可惜但無喊到,也祇看了一次!至於「親切的金子」有「原罪犯」珠玉在前,英愛姐呢套難免有點重複兼造作!而且佢當時的臉成個發水包咁啦!
至於日劇/電影應該係啟蒙啦!都睇左幾多架!至於阿少奶個樣係超級殺眼嬌,睇真的係好樣版,整容樣囉!
港產片,或者好睇年代和妳喜歡那類片種,我係喜歡許鞍華的「瘋」杜其峰「目露兇光」林愛華「十二夜」....當然吾祇咁少,講住咁多先,太長氣啦!妳得閒至覆啦!感謝。