話說當年清太祖努爾哈赤攻佔了瀋陽城之後，曾遷都到瀋陽一段時間，所以就算今時今日市民被現代化的商場攻陷心靈，城內的古建築物依然聳立在很多角落處。可幸的是，當地政府亦視之為貴寶，沒打算清拆，不然每個城市都變得一模一樣的話，去旅遊便沒有意義了。
右圖這座城門叫撫近門，據說它跟另外七座城門是按周易八卦的學說規劃出來的。在我逗留的這幾天裡，我走來走去也只在撫近門和懷遠門這一東一西的城門附近，其他的城門則要留待下一次再到瀋陽時才可拜訪了。
第一次到瀋陽，參觀瀋陽故宮是不能免俗的事。
其實瀋陽故宮跟北京故宮的分別只在於面積大小，其他則大同小異。
一模一樣的龍椅
同樣是五十塊錢的入場門票，我覺得大帥府是更有可觀性的。
大帥府所指的大帥其實是張作霖，他曾在袁世凱稱帝的前後時期效忠過袁。
老實說，我對清末以後的中國歷史很不熟識，所以對張作霖和他兒子張學良的事跡真是一片空白。
不過，空白歸空白，參觀他們的府第是沒有學識上的門檻的，只要付錢就行了。
(張作霖被炸致重傷後，就是被抬進這間房間，幾經搶救，最後不治身亡的)
一輪照片攻勢也只能給你們一個概念，因為我所拍得的都只是一部份而已。不過，無論是中式的雕欄玉砌還是西式的匠心獨運，都盡顯其家景富裕。
「男人一旦有錢就身痕」(其實沒錢的亦然)，是故張作霖的妻妾數目也不能小虧。
擁有六名夫人和八子六女的他對如何治理這麼大的家庭亦有一套家規。
有些現代人才一妻一情人已鬧得很不愉快，真難想像如張作霖般周旋在六名夫人間會是何等境況。
當然，古代跟現代是有分別的，但是我始終認為無論古或今，風流的人本身也真需要有點能耐才行。
《待續》......
9 則留言:
嗯。。。現在的人不能名正言順。本領，記性和能耐要更大吧。
不過。。。也許他們心裡覺得要維繫婚姻的重要性也不太高吧。
beetlejuice : 其實我覺得對婚姻不看得太重也有好處的, 起碼當另一半要求離婚時, 受傷害是有的, 但也不會太過一蹶不振吖嘛.
仕仔：仲以為大帥府無嘢睇添，原來仲正過瀋陽故宮。上次因為太凍，行完故宮就寧願去食烤鴨都無去大帥府，可惜可惜。
中國歷史尤其近代史要睇吓喇，有啲話係好偉大嘅人物原來又唔係咁偉大，有啲話唔係好偉大嘅原來又幾偉大。我以前以為歷史書唔係好好睇，原來又幾好睇，有啲嘢以前唔鍾意食，原來又幾好食。無諗住講咁多嘢，原來又講咗咁多囉 ；）
chickie : "我以前以為歷史書唔係好好睇，原來又幾好睇，有啲嘢以前唔鍾意食，原來又幾好食。無諗住講咁多嘢，原來又講咗咁多囉" --- 嗯, 呢D係年紀大左既表現吖嘛 ^O^
大帥府係可以用個"靚"字黎形容, 同埋開放左好多間房俾人參觀, 下次再去既話記得去睇下啊.
瀋陽故宮就真係令我失望喇, 細不特止, 展出既瓷器數埋都只係十件左右, 而且熟口熟面, 真係隨便去一個拍賣會, 展出既仲多過去呀. @_@
仕仔：作屎呀，話我年幾大，頂多咪年幾大過你 ：）
瀋陽故宮仲保存到已經係好好架喇，睇開啲由得佢無嘢展啦 /U\
chickie : 會唔會搞番個微博a/c, 咁你o係大陸有空時都可以傾兩句吖嘛 ?
仕仔：剛剛開咗喇，叫mull仔，不過我唔包會常常logon架喎，公司條網絡水喉可能block咗呢啲社交網，要返去試吓至知。
chickie : 少logon都唔係問題啦, 點都好過每年返黎香港先傾得果幾日啦, 想掛死人咩 ? ^o^
其實我都有d奇, 你話哂都係一個IT人黎架嘛, 點解唔"X牆"上香港網既 ?
仕仔: 喺內地office唔攪咁多嘢囉，住嗰度又無free internet。其實都無咩香港網我喺內地想要上嘅，係你呢個啦，思兄（不過佢都close咗個site囉），facebook, yahoo hk 咁囉，其餘ebanking, aastock, yahoo finance hk, 多數US web sites都上到，咁無謂攪咁多嘢啦，而家老咗怕事呀，份工最緊要，丫gf 緊要啲 :)
發佈留言